Davao City – Himoon ugmang adlawa, Decembre 5, ang media training sa pagpanguna sa Office of the Civil Defense (OCD-XI) ug uban pang ahensya sa gobyerno nga nagpakabana sa kalamidad.
Sumala ni OCD-XI director Leoncio Cirunay, tumong niini aron masayud ang mga ginsakpan sa media kung unsay himoon ug ginahimo sa mga opisyal sa panahon sa kalamidad. Matud ni Cirunay, importante kini alang sa dugang kasayuran mahitungod sa pagpangandam.
Samtang himoon usab karong Decembre 15 ang Nationwide Simultaneous Earthquake Drill (NSED) dinhi sa syudad sa Davao.
Gisulti sa director sa OCD-XI, target niini mao ang mga dagkong hotel, eskwelahan ug malls sa syudad.
Giingon ni Cirunay kabahin gihapon kini sa pagpangandam batok kalamidad ilabina sa linog.
RadyoMaN Bernard Patallon
