Gilauman na matud pa ang mga batikos sa mga kritiko batok ni Pangulong Rodrigo Duterte.
Sa interview sa RMN Malaybalay ngadto kang Political Analyst Atty. Antonio Soriano, gibutyag niini nga lauman na kining mahitabo tungod sa lahi ang approach sa pangulo sa pagdumala sa nasud.
Gusto matud pa ni Pangulong Duterte nga awayon tanan dili tungod kay aron magkagubot kon dili aron makab-ot niya ang tanang niyang gusto buhaton, apan tungod sa mga babag sama nila ni Chief Justice Ma. Lourdes Sereno ug ni Ombudsman Conchita Morales ingon man ni Carandang dili kini maka-deretcho sa pagpatuman sa iyang mga plano.
Matud ni Atty. Soriano nga buot unta ni Duterte nga mahapsay ug matuman ang iyang gustong mahitabo apan tungod sa mga babag, wala matud pa kini laing mahimo gawas sa pakig-away lang usab niini.
Hinoon dugang pa sa abogado nga ang pakig-away ni Pangulong Duterte taman lamang sa pulong.
Gibutyag usab sa political analyst nga mas makaayo usab daw karon nga maniid sa panghitabo sa nasud.
