Mga LGUs, dapat nga matapos na ang pag-release sang 1st tranch sang SAP agud nga ma-umpisahan ang pag-proseso para sa 2nd tranch sang assistance!

98

Roxas City, Capiz – Ginapadali ni DSWD Regional Director Evelyn Macapobre ang tanan sang mga local government units(LGUs) nga matapos na ang pagpanghatag sang first tranche sang SAP.

Ini agud nga mapadali man ang pag-avail sang second tranche sang amelioration.


Suno pa kay Macapobre, si Presidente Rodrigo Duterte mismo ang nagsiling nga lima(5) ka milyon ka mga pamilya ang igadugang sa orihinal nga lista sang SAP nga maka avail sang second tranche.

Samtang ginkompirmar ni DSWD Regional Director Evelyn Macapobre nga naglab- ot sa 33,786 ang kabilogan nga slots ang ginhatag sa syudad sang Roxas para sa SAP beneficiaries. Suno pa diri nga sa bilog nga Western Visayas sa subong naglab-ot sa 96.40 percent ang completion sang distribusyon sang SAP.

Sa Capiz, ang Roxas City ang padayon pa ang distribusyon sang amelioration kon sa diin ang barangay sang Cabugao ang may yara pa sang gindugang nga 85 ka bilog kag ang pay-out ang ginpatigayon kahapon sa talatapan sang CSWDO.

Facebook Comments