Kalibo, Aklan – Kadungan ko uman nga pagbukas it isla kung Boracay, gindungan man it Technical Education and Skills Development Authority (TESDA) rong pagtapos it may kapin 720 ka mga trabahador ag residente nga naapektuhan sa temporary nga pagsara it isla.
Suno sa TESDA, rong mga graduates nga gustong magpatindog it negosyo hay pwede mabuligan sa andang capital sa pamaagi it pakikipagbuligan it sari-saring ahensya ag financial institusyon it gobyerno kapareho kung DTI, DSWD, DOLE, Land Bank of the Philippines ag Development Bnak of the Philippines.
Rong 720 nga graduates hay gin training sa sari-saring qualification it TESDA Provincial Training Center-Aklan ag 14 nga katimbang nga mga technical vocational institutes sa Aklan.
Rayang nga mga nagtapos hay ginakaeakipan it mga lifeguard services, electrical installation and maintenance, housekeeping, security service, cake, pastry & bread making, hilot ag dressmaking.
Matandaan nga ginsara rong Boracay sa publiko sa sueod it 6 nga buean para sa rehabilitasyon ag uman nga ginbuksan ko Oktubre 26.
