General Santos City—Sikop sa Operatiba sa Police Station 6 ang usa ka minor de edad nga itago lang sa pangalang alias Jason, 17, residenti ning dakbayan atol sa gihimong buy-bust operation nga gipahigayon sa Queen una park alas 4:40 ang takna sa hapon.
Nasikop ang nasampit nga suspek human kining napalitan ug usa ka sachet sa gituohang shabu gamit ang P500.00 nga marked money.
Gawas sa usa ka sachet sa gituohang shabu nga napalit sa kapulisan ngadto sa suspek, laing usa pa ka sachet sa gituohang shabu ang narekober sa iyang posisyon.
Tungod niini giposasan ang naasmpit ug gidala sa buhatan sa Police Station 6 apan human sa pipila ka oras giturn-over kini sa Bahay Pagasa aron didto ikustudiya, samtang ginaandam na ang kasong kalapasan sa RA 9165 batok sa maong dinakpan.
