Kalibo, Aklan — Nagdangop sa Kalibo PNP ro sangka misis matapos nga mabiktima it budol-budol kahapon it hapon sa may Acevedo St., Kalibo, Aklan.
Sa panaysayon it biktima nga si ARLENE TONGUA, 28-anyos ag residente it Brgy. Tul-ang, Ibajay, Aklan sa Kalibo PNP nga samtang una imaw sa Acevedo St., kahapon it hapon hay may nagpaeapit kana nga sangka babaye nga uwa man nana makilaea ag nagkutana kung siiin imaw pwede makakita it saeakyan nga anang paga kargahan it mga pasayan.
Ginsabat imaw it misis nga mag adto imaw sa may national highway para makakita imaw saeakyan. Pero maangan angan may sangka uwa pa gid makilaea nga eaeaki rong naghambae sa biktima nga buligan ro suspek ag dayon dali-dali pumanaw.
Ginpahayag pa gid dugang it biktima nga ro nasambit nga babaye hay may ginpakita nga sangka pueang pouch ag naghambae nga ibilin nana rong P30,000 pero dapat ibutang it biktima ro anang P7,000 sa pouch ag natigayon.
Dugang pa gid nga bago gin bilin it suspek rong pouch sa biktima hay ginhueam na pa anay ro Samsung Note 3 nga cellphone it biktima dayon dali-dali nga pumanaw.
Pag-abot it biktima sa may Veterens Avenue ana nga ginbuksan rong pouch ag imaw na sorpresa nga rong suoed it nasambit nga pouch hay mga ginunting nga papel ag uwa eon rong kwarta..
Sa makaron hay under follow pa ko mga kapulisan ro nasambit nga kaso.
