Davao City – Mireklamo ug nagpatabang sa kapolisan sa San Pedro ang usa ka bana dihang iyang nakit-an ang iyang asawa nga nakig uban sa usa ka Indian National.
Complainant mao si alyas Jay, 49 anyos nga nakapuyo sa syudad samtang ang asawa niini mao si alyas Nelyn.
Matod pa nasakpan ni Jay si Nelyn ug ang usa ka Indian National nga si alyas Ram kinsa misulod sa usa ka inn alas-2 sa kadlawon.
Daling giadtuan sa kapolisan sa San Pedro ang maong inn diin nasuta nga gisirad-an ang purtahan sa usa ka lawak hinungdan nga napugos ug abri ang mga otoridad ug nakit-an nga nakatapis lang ang langyaw ug ang babae rason nga giaresto sa kapulisan.
Sa gihimong pakighinabi sa news team sa DXDC RMN Davao giangkon ni Nelyn nga duna silay relasyon tali sa langyaw tulo ka bulan na ang milabay.
Giingon niini nga nahimo niya ang pagluib sa iyang bana gumikan kanunay kini ginadagmalan panahon kun lango kini sa bino ug wa niya damha nga nakita niya ang pagmahal sa naasoy’ng langyaw nga wala mahatag sa iyang bana.
Ang mga dinakpan balhug na sa selda sa San Pedro PNP samtang ang bana pursigido nga mupasaka og kasong Adultery batok sa langyaw ug sa iyang asawa.
RadyoMaN Don Pulayao
