MOA WITH FPOP GING APRUBAHAN

Kalibo, Aklan – Aprubado eon it Health and Social Services Committee it Aklan
Sangguniang Panlalawigan ro hinyo ni Governor Florencio Miraflores nga
pahinugutan imaw nga makapirma it Memorandum of Agreement kaibahan ro
Family Planning Organization of the Philippines FPOP para sa implementasyon it
Family Planning Services sa probinsiya pamaagi sa Bilateral Tubal Ligation.
Una nga ging taeakay ra ko 87th regular session it Sangguniang Panlalawigan
pero ging hinyo ni Board Member Emmanuel Soviet Russia Dela Cruz nga e-agi l
ang anay sa komitiba ag imbitahan ro taga FPOP , bangud indi makit-an sa MOA
kon sin-o ro dapat manabat ingkaso-por-kaso nga may bukon manami nga
matabo sa pasyente.
Sa ging patigayon nga committee hearing ging klaro ni Provincial Health Officer I
Dr. Cornelio Cuachon it PHO-Aklan, saeabton it doctor nga naghimo it operasyon
kon may maeain nga matabo sa pasyente.
Dugang nga ging pahayag ni Dr. Cuachon nga 0.1% eamang ro tsansa nga may
maging komplikasyon nga matabo sa babaye nga nagapaidaeom sa bilateral
tubal ligation operation…