Monkey Pox wala pay tambal, publiko gipahimangnuan nga magmabinantayon

32
Gipanawagan karon sa Department of Health (DOH)-Region X nga kinahanglang magmabinantayon ang publiko batok sa sakit nga Monkey Pox tungod kay wala pa kini’y tambal sa karon.

Sa interview sa RMN Malaybalay ngadto kang Dr. David Mendoza, Local Health Division Chief sa DOH-Northern Mindanao, gipanawagan niya nga wala pay tambal ang maong sakit nga nakasulod sa Pilipinas maong dapat doble ang pag-amping karon sa publiko.

Dugang ni Dr. Mendoza nga sa karon, matag simptoma lang ang pagtambal sa maong sakit ug ginatutukan matud pa nila karon ang pagmanage sa long term complication niini.

Gisulti usab ni Dr. Mendoza nga anaa nay bakuna batok sa Monkey Pox apan dili pa available sa nasud tungod kay wala pay giaprubahan sa Food and Drugs Administration (FDA) nga bakuna batok niini.

Nakita matud pa nga mamahimong gamiton ang small pox vaccine batok sa maong sakit apan problema gihapon sa availability tungod kay wala pa kini sa nasud.

Maong panghimangnu ni Dr. Mendoza kung ugaling makasinati sa mga simtomas sa Monkey Pox nga mukonsulta lang sa pinakadool nga balay-tambalanan ug maghimo og self-isolation kung aduna nay mga rashes aron nga makalikay sa pagpakatakod niini.

Facebook Comments