Davao City – Dead on arrival ang usa ka driver sa single motorsiklo human nagsungag sa laing sakyanan nahitabo alas 8:06 sa gabii didto sa dalang Campo 3 Brgy. Talomo River, Calinan District siyudad sa Davao.
Basi sa blotter sa Calinan PNP, naila ang biktima nga namatay mao si Dennis Lopez, 22 anyos, nagpuyo sa Purok 5 Marilog District siyudad sa Davao.
Matud pa sa report, si Lopez nagmaneho sa iyang motorsiklo sa Calinan apan pag-abot sa nasangpit nga lugar laing sakyanan ang iyang gikasungag nga gidrayban sa usa ka Derreick Tahil, 34 anyos, residente sa Purok 3-A Brgy. Calinan. Ni-overtake si Tahir sa usa ka traysikad sa opposite nga direksyon hinungdan nga nibangga sa motorsiklo.
Sa kakusog sa impact, nalagpot si Lopez sa semento nga bahin ug nawad-an og panimuot kansa daling gitabang ug gidala sa Isaac Robillo Hospital sa may Calinan apan gibawian sa iyang kinabuhi.
Samtang ang driver nga si Tahil gidala sa Southern Philippines Medical Center (SPMC) kinsa gipailawom sa kapulisan og medical examination and liquor test aron masuta kung nakainom.
Sa kasamtangan, balhog na sa Calinan PNP si Tahil ug mag atubang sa kasong Reckless Imprudence Resulting in homicide.
RadyoMaN Don Pulayao
