Giila ang driver sa pick-up nga si Federico Aguilar, 48 anyos, residente sa Bajada, Brgy.19-B, Davao City, samtang ang motor gimaniho ni Michael John Mangmang, 27 anyos, taga Brgy. Cabantian ug angkas niini nga nakabsan sa kinabuhi nga si Jun Marcel Mangubat, 20 anyos.
Sa interbyu sa DXDC RMN Davao kang Pcpl Gerald Katigbak, Traffic Investigator sa Los Amigos Police Station giingon niini nga gibayran sa driver sa sakyanan ang damyos sa motor ug mohatag sab og burial assistance ngadto sa pamilya sa back rider nga namatay.
Segun ni Katigbak, nakagawas na sab ang driver sa motor niadtong adtong adlaw’ng Miyerkules, May 10,2023 gikan sa Southern Philippine Medical Center (SPMC) human nga naka rekober sa mga samad nga naangkon niini.
“Namatay na kagahapon (ang angkas) kay nanawag ko kaganina… Nag settle na sila kagahapon,” sulti ni Katigbak.
Gidugang sa opisyal nga subay ilang gihimong imbestigasyon, kusog ang dagan sa maong sakyanan padulong sa syudad sa Davao samtang ang motor padulong sa Calinan apan niliko patabok sa kalsada ang driver sa motor aron magpasilong tungod kay ulan niadtong higayona sa dihang nabangaan sa maong sakyanan nga resulta sa pagkadamyos sa atubangan sa pick up motorsiklo.
RadyoMaN Don Pulayao
