Davao City – Patay ang usa ka diver human nagsungag ang iyang gidrayban nga Kawasaki Fury motorsiklo sa laing Suzuki raider nga gimanihoan sa usa ka alyas Rey, 15 anyos, nagpuyo sa may Phase 3 Belesario Heights ning siyudad nahitabo alas 12:00 ka gabie sa may Park Avenue Corner Mercedes St. Brgy. W. Aquino, Agdao, siyudad sa Davao.
Sa record sa Sta. Ana, naila ang namatay nga si Stephen Soriano, 39 anyos, nagpuyo sa 191 North Park Margarita, Village, Bajada, ning dakbayan.
Sa gilusad nga imbestigasyon nasayran nga gikan si alyas Rey sa Celica St. samtang si Soriano gikan sa dalang J. P. Laurel apan pag-abot sa nahisgutang lugar nagsungag ang duha ka mga motorsiklo diin sa kakusog sa impact nangatumba sa semento nga bahin ug nakabsan sa kinabuhi si Soriano diha-diha samtang nakaangkon lamang og minor injury si alyas Rey.
Sa pagkakaron nagapadayon sa paglusad og imbestigasyon ang kapolisan Sta. Ana bahin sa maong aksidente samtang ang kaso giduso na sa traffic investigation.
RadyoMaN Don Pulayao
