Duha ka wanted sikop sa gihimong operasyon sa kapulisan

14

Hulog sa kamot sa kapulisan ang usa ka wanted human naghimo ug operasyon ang Piñan PNP sa pagpanguna ni PI Joseph MC Artem B. Villarino, didto sa may brgy. Lower Gumay, lungsod sa Piñan.

Malampuson nga naaresto si Alejandro Alam-alam y Belhot, 69 anyos, residente sa Purok 3, Lower Gumay Piñan.

Nasikop kini pinasikad sa warrant of arrest nga gi isyu gikan sa hawanan ni Judge Victoriano D. Lacaya, sa rtc-br. 9. Nag atubang kini sa kasong attempted murder ilawom sa CC no. 22541, penetsahan ug Hulyo 3, 2018 may pyansang mokantidad sa P120,000mil alang sa temporaryong kagawasan.

Kasamtangan karong nagtingkgol sa mabugnaw nga rehas ang dinakpan.

Didto sa lungsod sa Jose Dalman laing wanted ang nasikop human nag himo sa pagsilbi sa warrant si PSI Jimmy Tagapan Abrasaldo didto sa may Brgy. Lopero, Jose Dalman.

Sikop si Rolando Ambras Aniong, 77 anyos nagpuyo sa nahisgutan nga barangay.

Si Rolando aduna kini warrant sa kasong Serious Physical Injuries ilawom sa CC no. 12918, ug ang korte adunay pyansa nga ge rekomendar sa kantidad nga P10,000mil alang sa iyang temporaryong kagawasan.

Gi turn over na usab kini sa Sindangan District Jail, ug didto na unya kini mo bayad sa pyansa nga gipangayo kaniya sa korte.

Facebook Comments