Indi pa magpati tubtob subong, apang lubos nga kalipay ang nabatyagan ni Marrianne Ross Soldevilla, estudyante sang Notre Dame of Marbel University kag residente sang syudad sang Koronadal nga siya ang nangin top noptcher sa August 2017 Medical Technologist Licensure Examination.
Si Marianne ang nakakuha sang pinakamataas nga rating nga naglab-ot sa 90.90 % sa 4,821 nga nakapasar sa medtech licensure examination sa bug-os nga pungsod.
Sa interview kay Marriane ginpahayag sini nga ang pangamuyo lamang niya amo nga makapasar kag makakuha sang mataas nga rating apang wala sya naglaum nga sya ang magtop 1 sa nasambit nga licensure exam.
Samtang suno kay Marianne resulta lamang suno pa ini sang iya nga pagkahardworking kag pangamuyo kon ngaa naangkon niya ang kadalag-an.
Hangkat niya man sa iban nga indi madulaan sang paglaum kon mapaslawan sa una nga tion kag padayon lang sa pagsalig sa Ginuo.
