Kalibo Aklan — Nagapatigayon makaron it pag inspeksyon rong National Police Commission (NAPOLCOM) Region 6 sa tanan nga mga Municipal Police Stations sa probinsya it Aklan.
Sa pakikipag angot it DYKR RMN Kalibo kay Investigator Allen Camiring it NAPOLCOM Region 6 nga ro andang team hay ginapangunahan ni PINSP. Mary Janet Rodriguez ag ni Mary Jane Mondia.
Sa makaron ro anda eon nga naha inspeksyon hay ro Aklan Police Provincial Office (APPO), NHUs, Buruanga, Kalibo, New Washington, Balete ag Banga.
Suno kana nga ro andang pag inspeksyon hay basi man sa R.A. 8551 kung sa siin ro NAPOLCOM hay may poder nga mag patigayon it continuous inspection and management audit of personnel, facilities operation and all level command of the PNP.
Ginapatigayon rayang inspeksyon para tan-awon ro mga pulis nga kon una sanda sa andang mother unit, bangud nga may una nga mga report sa NAPOLCOM nga ro atong mga pulis nga iba hay idto eon sa abroad pero sigidas nga nagabaton it sweldo iya ag pwede sanda ra magapangatubang it nagakaigo nga kaso.
Kaeakip pa gid sa anda nga gina inspeksyon ro mga issued firearms it mga kapulisan bangud nga may una man nga mga report nga ro iba hay andang gina prenda sa mga private person ukon sa mga drug personalities ag kon daya hay maging matuod hay makasuhan man sa gihapon kon sa siin may una kara sa syudad it Iloilo.
Nagapadayon raya suno kana nga lihok para nga tadlungon man ro pagpanghimanwa ag kon gusto matadlong ro pagpanghimanwa dapat maga umpisa raya sa aton mga kapulisan ag raya hay bilang suporta man sa programa ni PNP Chief Police Director General Ronald dela Rosa nga “Internal Discipline”.
