Malampusong nasikop sa mga kapulisan ang usa ka newly-identified drug personality human nga misuway pagbaligya og drogang shabu atol sa buy-bust operation nga gilusad pasado alas 11 sa gabie adtong Domingo didto sa Purok-13, Barangay Damilag, Manolo Fortich, Bukidnon.
Giila ang suspek nga nadakpan nga si June Rey Espellarga, 37 anyos, minyo, way trabaho, ug residente sa Purok-2, Barangay Agusan, Cagayan De Oro City.
Nakompiska gikan sa suspek ang usa ka sachet sa gituohang drogang shabu nga mutimbang og 11.11 gramos ug mukantidad og P75,548.00.
Lakip usab nga narekober ang P2,000.00 nga kwartang papel, usa ka cellphone, ug laing kwarta nga mubalor og P9,090.00
Gidala karon ang suspek sa Manolo Fortich Municipal Police Station ang suspek nga nadakpan samtang giturn-over sa Regional Forensic Unit ang mga nakompiskang ebidensya alang sa dugang eksiminasyon.
Ginaandam na ang kasong paglapas sa RA 9165 kon Comprehensive Dangerous Drugs Act of 2002 batok sa dinakpang suspek.
Facebook Comments
