Naantala ang operasyon ng MRT-3 kaninang umaga na tumagal nang mahigit isang oras.
Ayon sa pamunuan ng MRT-3, ito ay dahil sa abnormal signaling indication na naranasan sa Shaw Boulevard station.
Dahil dito, ipinatigil ang lahat ng operasyon ng mga tren malapit sa mga istasyon bilang pag-iingat habang inaayos din ang problema.
Naisaayos naman ang aberya bandang alas-6:52 ng umaga at nagbalik operasyon na ang MRT-3 pasado alas-6:58 ng umaga.
Humingi rin ng paumanhin ang pamunuan ng MRT-3 sa idinulot na abala sa mga pasahero.
Facebook Comments
