Davao City – Gigradohan ni Mayor Inday Sara Duterte-Carpio og onse(11) si outgoing Task Force Davao Commander Col.Bernard Erwin Neri.
Diyes ang grado ni Mayor Inday kang Col.Neri ug ang gidugang nga uno gumikan sa pagtambong ni City Administrator Atty. Zuleika Lopez sa change of command sa unang higayon.
Dili na unta buot muhatag og grado ang Mayor aron walay kanhi nga mga Commander sa TF Davao masilo apan tungod sa maayo nga performance ni Neri sulod sa halos usa ka tuig mihatag kini og pasado nga rating sa opisyal.
Giila sa Mayor ang mga nahimo ni Neri isip TF Davao commander diha sa pagbantay sa seguridad sama sa ASEAN summit, Kadayawan Festival, ug daghan pang uban batok sa mga terorista.
Ubos sa liderato ni Neri, nasikop si Cayamora Maute ug ang asawa niini nga Saphira Cayamora kinsa mga ginikanan sa Maute brothers,ug pipila ka tag-as nga opisyal sa CPP-NPA-NDF.
Samtang, gipasalamatan ni Outgoing Task Force Davao Commander Bernard Neri ang lokal nga kagamhanan, mga media, ug tanang stakeholder nga nagsuporta kaniya sulod sa halos usa ka tuig.
Gihulipan sa bag-ong Task Force Davao Commander Col. Nolasco Mempin si Neri kinsa madestino na sa 1001st sa lungsod sa Mawab, Compostela Valley Province.
Kasamang Joel Viray
