P155-K iligal nga droga nasakmit sa buy-bust sa Digos

Davao City – Mokabat sa P155,000 kantidad sa iligal nga droga ang nasakmit sa drug buy bust operation sa Davao del Sur Provincial Office of Philippine Drug Enforcement Agency (PDEA-XI), Provincial Drug Enforcment Unit of Davao del Sur Police Provincial Office ug Digos City Police Station.

Gihimo ang operasyon alas 8:17 sa buntag kagahapong adlawa (Pebrero 10, 2022) sa Purok 4, Barangay Aplaya, Digos City, Davao del Sur diin target sa operasyon ang usa ka Liesther Sardido alias “Pawpaw”.

Apan, nakahimo pag-ikyas si Sardido human kini daling nakamatikod sa presensya sa operatiba. Ang kauban niining si Jay Kaiser Diamad, alias “Bonbon”, 25 anyos, single ug residente sa lugar ang maoy nadakpan sa awtoridad.

Nakuha sa posisyon sa dinakpan ang 1 ka dakong pakete sa suspected shabu nga anaa sa kapin lima (5) ka gramos kantidad P50,000. Tulo (3) ka sachet sa suspected shabu kapin pito ka gramos kantidad P105,000, ug mga drug paraphernalia.

Paglapas sa Section 5 (Sale of Dangerous Drugs), Section 11 (Possession of Dangerous Drugs), ug Section 12 (Possession of Drug Paraphernalia) sa Article II sa Republic Act 9165 o Comprehensive Dangerous Drugs Act of 2002, ang kasong atubangon sa mga suspetsado.

RadyoMaN Kirby Manzon