Padayon ang pag-abot sang supply sang COVID-19 vaccines sa rehiyon nga ginalakipan sang Janssen, Sinovac kag Astrazeneca, suno kay Regional Health Education and Promotion Officer Arjohn Gangoso.
Paklaro ni Gangoso nga ang nagaabot nga bakuna sa rehiyon ang halin sa COVAX facility nga para sa gihapon sa A1 to A3 priority groups tungod wala pa sang katunga sa ila ang wala nabakunahan.
Suno kay Gangoso nga nakatutok sa gihapon sa A2 kag A3 priority groups ang vaccination sa rehiyon tungod base sa pagtuon sila ang nakitaan sang seryoso nga kumplikasyon kag COVID-19 related deaths.
Samtang, ginaawhag niya ang mga luyag magpabakuna nga magpalista agud nga mapabilin nga mapatuman ang minimum public health standard sa vaccination area, matapos nga madamo suno pa ang walk-in.
