Ginpapanaug sang Municipal Health Office sang Lake Sebu ang Covid-19 vaccination sa barangay level agud nga malab-ot ang mga indibidwal nga luyag magpabakuna, apang indi makapadulong sa mga vaccination sites sang LGU tungod sa mga nagkalain-lain nga rason.
May-angot sini, pipila na ka mga residente sang Barangay Bacdulong kag Lamdalag ang nakabaton sang COVID -19 vaccine.
Sa Barangay Talisay yara sa 76 ka mga residente ang nabakunahan, 204 naman ka mga residente ang nabakunhan sa Barangay Denlag.
Yara naman sa 336 ka mga residente sang Barangay Upper Maculan kag 153 sa Barangay Lower Maculan ang nabakunahan.
Samtang ang mga bakuna nga gingamit sa mga vaccinees amo ang Janssen sang Johnson & Johnson kag Sinovac.
Katuyuan sang nasambit nga aktibidad nga ipalapit ang COVID-19 vaccines sa mga residente sang Lake Sebu ilabi na sa mga persons with co-morbidities kag mga senior citizens nga yara sa mga far-flung areas.
