Davao City – Giangkon karon sa LTFRB XI nga naglisod sila sa pagkontak sa mga drayber alang sa payout sa Fuel Subsidy Program para sa unang batch sa 322 ka mga benepisyaryo, Abril 23, 2026.
Matud ni LTFRB XI Regional Director Nonito Llanos, daghan sa mga drayber wala masayod sa maong ayuda, adunay dili makontak, ingon man adunay dili motubag sa mga tawag aron mahatagan sa ayuda.
Gibutyag usab sa opisyal nga gihimo na nila karon ang cash payout tungod kay daghan sa mga drayber ang walay e-wallet o bank account, busa aron makadawat gihapon sila sa ayuda, gihimo ang maong lakang.
Samtang, matud sa opisyal, lahi ang talaan nga gikan sa DSWD nga ilang na-submit, diin adunay ayuda nga ₱5,000, samtang aduna usab fuel subsidy nga ₱1,500 alang sa mga drayber sa jeep ug ₱5,000 alang sa mga taxi, subay sa fuel subsidy sa Department of Transportation.
RadyoMaN Bien Abanos
Facebook Comments
