Davao City – Gipahugtan sa Police Regional Office 11 (PRO 11) ang seguridad sa tibuok Davao Region isip pagpangandam alang sa Labor Day 2026, aron maseguro ang kalinaw ug kaluwasan sa publiko sa selebrasyon sa Mayo 1.
Matud ni PRO 11 Regional Director PBGEN Leon Victor Z. Rosete, gipakatag na ang dugang kapulisan sa mga pampublikong lugar ug sa mga lugar nga posibleng himuan og mga kalihokan ug rally. Gipatuman usab ang Major Event Security Framework alang sa hapsay nga pagdumala sa trapiko ug seguridad.
Gisugo usab ang mga intelligence unit sa padayon nga pagmonitor ug pagtimbang sa posibleng mga hulga sa wala pa, atol, ug human sa Labor Day. Nagkahiusa usab ang PRO 11 uban sa laing mga ahensya.
Gipasalig ni Rosete nga respetuhon sa kapolisan ang katungod sa matag usa. Giawhag usab niya ang publiko nga magtinabangay ug magpabiling alerto alang sa malinawon nga pagsaulog sa Labor Day.
RadyoMaN Kareen Beltran
Facebook Comments
