Davao City-Sakit nga kamatuoran apan angay tang dawaton nga ang pagpangawkaw sa mga opisyal ug kawani sa kagamhanan nakagamot na sa sistema ug sa atong kultura busa daw imposible nga mahataga’g katumanan ang pangandoy ni Presidente Rodrigo Duterte nga hingpit mawagtang ang kurapsyon sa Bureau of Customs.
Sumala ni Mindanao Social Communication Director Candido Aparece Jr nga dili ordinaryo nga krimen ang kurapsyon aron makaingon kita nga dali ra sulbaron ang problema.
Sukwahi sa droga, dali ra nakalihok ang gobyerno ug kapulisan sa pagbungkag sa apparatus sa shabu ug paglutos sa mga sindikato ug sa mga galamay niini, matud pa nya.
Luyo niini, nanghinaot gihapon si Aparece nga molampos si Duterte sa tinguha niini nga mahingloan gikan sa lapok sa kurapsyon ang maong ahensya nga nabulit sa anomaliya.
Kasamang Joel Viray
