Davao City – Uyon ang Davao City Anti Drug Abuse Council (CADAC) sa pagpagawas sa listahan sa mga barangay officials nga nalambigit sa gidiling droga aron mapahibalo ang katawhan.
Sumala ni CADAC chairperson Mikee Aportadera, kinahanglan ang magpagawas niini kadtong mga hingtungdang ahensya sa gobyerno sama sa Philippine National Police (PNP) ug Philippine Drug Enforcement Agency (PDEA).
Samtang giklaro usab ni Aportadera, makaayo sa mga botante alang sa ilang pagpili ang giingong pagpagawas sa publiko sa listahan sa mga opisyales sa barangay nga nalambigit sa droga isip giya aron dili pilion sa mga tawo panahon sa piniliay.
Giklaro sa chairman sa CADAC, dili kini masagulan sa politika basta kay ang maong listahan baledo ug naggikan sa kapolisan ug PDEA.
RadyoMaN Bernard Pantallon
