Pagsugat sa bag-ong tuig sa Pagadian City, kinatibuk-ang malinawon sigon sa PNP

Pagadian City – Nagmalipayon sa kinatibuk-an ang dakbayan sa Pagadian sa pagsugat sa Bag-ong Tuig.
Kini human nga walay mga natala nga dagkong panghitabo atol sa dakong selebrasyon.
Kini ang nahimong assessment sa Pagadian City Police Station human gipakatag ang mga pulis uban daghang ihap sa mga force multipliers nga nagsilbing tigbantay ug tigpaniid sa palibot sa syudad.
Nasayran nga gipakatag ang mga pulis gawas ug sulod sa mga malls, palengke, terminal, mga dagkong tindahan ug kasimbahanan.
Sa pakigkutay sa DXPR Pagadian ug iFM kang Police LT. Virginie Bartiana, ang Chief City Community Affairs and Development sa Pagadian City PNP gibutyag niini nga gikonsedirang Generally Peaceful ang pagtagbo sa 2023.
Sumala ni Bartiana nga nakab-ot ang malinawon nga pagsaulog gumikan sa pagtuman sa katawhan sa mga balaod nga gipatuman sa dakbayan sa Pagadian.
Hinuon dunay nakumpiska nga mga illegal nga pabuto dihang gi-inspeksyon sa otoridad ang mga gipatinda sa side walk sa katapusang adlaw sa nakalabay nga tuig 2022.
Facebook Comments