Pagsunog sa eskwelahan sa Malapatan, tinuyuan-PNP

12

Malapatan, Sarangani Province—Gibutyag ni Police Lieutenant Colonel Teody Condesa ang tigpamaba sa Sarangani Police Provincial Office nga gituyo ug sunog ang tulo ka tunghaan sa mga armadong grupo nga naila pinaagi sa pamahayag sa mga witnesses nga mga igsoong dawang ug napulo pa ka mga kaubanan niini nga giilang miyembro sa NPA sa lugar.

Pagbutyag ni Condesa nga wala pa sila nasayod kung unsa ang motibo sa pagsunog sa mga tunghaan sa mga armadong grupo nga unta alang kini sa mga kaigsoonang IP nga gusto makalampos sa ilang pag eskwela.


Dili matud pa gusto sa mga armadong grupo nga moasenso ang mga kaigsoonang IP sa kabukiran hinungdan nga ilahang gisunog ang mga tunghaan nga nahimutang sa Sitio Lanao.Brgy Sapu Masla, sakop sa munisipyo sa Malapatan.

Dugang pamahayag ni Police Lieutenant Colonel Teody Condesa nga ang maong mga eskwelahan nga gipangsunog sa mga armadong grupo gibana-banaang moabot sa 2.5 milyon pesos ang damyos niini.

Saysay pa opisyal nga padayon pa ang ilang imbestigasyon sa maong sunog aron masuta ang motibo sa mga responsable nga kasamtangan padayon na karung gipangita sa otoridad.

Problema matud pa sa lugar ang mag-igsoong Dawang gumikan kay sa una pa dili sila gusto nga moasenso ang lugar aron nga magpabilin ang mga tawo nga mokalaban sa gobyerno. (Reynald Timario)

Facebook Comments

From Advertisers