Ginsiguro it pamunuan kung Armed Forces of the Philippine (AFP) nga may magapanabat sa natabong misencounter sa Sta. Rita Samar nga ginkamatay it an-um ka pulis ag pagkanina it siyan nga iba pa.
Suno kay PNP AFP Public Affairs Office Chief Colonel Niel Detoyato nagapati rong pamunuan it AFP nga nakaangkon it lapses sa koordinasyon sa tunga it mga pulis ag mga tawuhan it Philippine Army tag ginhimo nanda ro andang mga operasyon.
Sa makaron hay ginasayod eon sa ginahimong imbestigasyon it AFP ag Philippine National Police (PNP) kung sin-o sa magtimbang nga parte rong nakaangkon it lapses sa pagkoordinate bago rong ginhimo nga operasyon sa lugar.
Magapanabat man suno kana rong mapamatud-ang may ginhimo sa pagbayolar sa tamang proseso sa koordinasyon bangud an-um rong namatay ag siyam rong ninahan.
Kahapon hay ginpahalin eon ni PNP Chief Police Director General Oscar Albayalde rong daywa ka police officer nga nakakakasakop sa operasyon it mga pulis sa Sta. Rita Samar.
Samtang ginbalik man eon sa headquarters it 8th Infantry Division sa Catbalogan City Samar ag makaron hay under investigation rong 17 ka miyembro it Philippine Army nga uwa ginahungda ro pagkapatay sa an-um ka pulis.
