Pamunuan sang Division of South Cotabato may reminders sa mga ginikanan kag mga kabataan kadungan sa pag-umpisa sang enrollment subong nga adlaw.

32

Ginaremind ni Division of South Cotabato Schools Supt. Ruth Estacio ang mga ginikanan kag mga kabataan nga indi kinahanglan nga magpadulong pa sa mga eskwelahan agud nga magpaenrol kadungan sang pag-arangkada subong nga adlaw sang enrollment.
Suno sa iya kon nakaenrol na sang nagligad nga school year utomatiko nga i-enrol sa next grade level ang mga kabataan magluwas lamang sa mga kinder, grade 1, 7, grade 11 nga wala nakapalista sa ginpatigayon nga early registration kag ang mga transferee.
Paklaro man ni Estacio nga kon may mga kabataan nga nafailure sa duha ka subject sang nagligad nga school year ang pwede nga makatungtong sa masunod nga grade level.
May-angot sini, magabalik subong nga adlaw ang mga manunudlo para sa himuon nga preparasyon sa pagbukas sang klase tungod sa mga alternatibo nga pamaagi sang pagtudlo sa tunga sang COVID-19 pandemic.
Samtang ginkumpirmar ni Supt. Estacio nga ginkakas na sang division of South Cotabato ang face to face sa learning modalities sa pagbukas sang klase subong nga tuig tungod sa pronouncement ni Presidente Rodrigo Duterte.

Facebook Comments