TACLOBAN CITY – Nakit-an han pira nga residente ha V&G an usa nga patay nga lawas ha may creek han New York St. V&G Subd. han syudad han Tacloban kasangkulop.
Base han report, ginkilala an nakit-an nga patay nga lawas nga hi Claudio Pineda, 55 anyos, mayada live-in partner, usa nga pedicab driver ngan residente ha Tigawon 1, Brgy. 96, han Tacloban City.
Ha interview han RMN kan PCInsp. Alex Echon, Commander-In-Chief han Tacloban PNP Station 1, sumala han ira inisyal nga imbistigasyon, hubog an biktima nga umihi ha may creek ngan nahulog ini rason han iya pagkamatay.
Tulo anay kaadlaw an nakabalay han makit-an an patay nga lawas ha New York St.
Ha inisyal nga imbistigasyon han Tacloban PNP ngan SOCO, waray pa foul play nga nagawas.
Aminado naman daw an pamilya han biktima nga waray foul play nga nahinabo ngan nadisgrasya la ini.
