PhilHealth, mipahimangnu kabahin sa mga online fixers sa pagproseso og mga dokumento

23
Mipahimangnu karon ang buhatan sa Philippine Health Insurance Corporation (Philhealth)-X nga dili magpadani sa mga online fixers pagkuha sa mga dokumento.

Kini ang gipanawagan ni Merlyn Ibanez, Public Relations Officer sa Philhealth-X atol sa interview sa RMN DXMB Malaybalay.

Sumala niya nga wala silay gitahasan online nga magkuha sa mga dokumento alang sa tagtungod.

Maong pagklaro niya nga mas maayo nga mudangop sa buhatan aron nga makakuha sa mga dokumento sama sa Members Data Record (MDR) ug Philhealth ID nga libre ug sayon ang proseso.

Dugang ni Ibanez nga adunay pipila ka mga online platform diri sa Rehiyon-X nga magamit sa mga miyembro niini pagkuha sa mga dokumento.

Kana mao ang Philhealth Virtual Front desk diin pwede ma-access sa mga miyembro ug sa gusto nga magpamiyembro niini.



Gawas niana, anaa usab ang Member’s Portal online diin pwede maprint ang mga MDR o di ba kaha magbayad sa Contribution.

Facebook Comments