Philippine Coast Guard-Caticlan aminado nga may unang nagakatabo nga illegal nga pagtabok it mga motorsiklo sa isla it Boracay.

KALIBO, AKLAN — Aminado rong Philippine Coast Guard-Caticlan nga may una nga nagakatabong illegal nga pagpatabok it mga motorsiklo sa isla it Boracay.
Suno kay CPO Adan A. Ayopela it PCG-Caticlan nga ro andang duty sa may bahin it cargo hay 6:00 am hasta man it 6:00 pm pero ro sa Jettyport hay 24 oras.
Nakatabo suno kana rong illegal nga pagpatabok it mga motorsiklo sa isla sa oras nga mag full out eon ro andang aluminum boat nga raya rong nagapatigayon it seaborn patrol bangud sanda manlang man ro gina bantayan ko mga tag ana it ferry boat ag bago mag karga it motorsiklo.
Sa hayga nga 1,500 makatabok eon ro imong motorsiklo sa isla halin sa mainland.
Naghinyo man si Ayopela sa mga pumueoyo nga kon may mga masayran nga ginahimong illegal hay eagi nga I report sa andang opisina para ma aksyonan.
Gin ako man nana nga indi gid nana mabantayan it mayad ro mawra bangud sa kueang man it tawo ro andang station.
Matandaan nga may una nga ordinansa nga ginapatuman rong banwa it Malay angot sa pagpatabok it mga motorsiklo sa isla.