PHO-DOH NAG PATIGAYON IT ASSESSMENT KON MAUNO KAPREPARADO RO MGA HOSPITAL ANGOT SA TIPDAS

Kalibo, Aklan – Nagbisita ro Provincial Health Office – Department of Health PHO-DOH health monitoring
team sa Malay Municipal Hospital ag Ciriaco S. Tirol Hospital- Boracay para tan awon ro pasilidad
kamana man kon mauno kapreparado ag kon ano ro gin tomar nga aksiyon kon paalin mapundo ro
pageapnaag it tipdas sa sueod mismo it hospital.
Suno kay Dr. Cornelio Bong Cuachon Jr. Provincial Health Officer I, ro 2 ngarang ka health facilities hay
nagbutang eon it fastlane ag isolation room para sa mga pasyente nga ginadudahan nga may tipdas.
Ging pahayag pa gid ni Dr. Cuachon, ro pagbutang it separadong lugar sa nasambit nga mga hospitals sa
panahon it health screening it mga gina suspetsahan nga may tipdas hay bulig para mahaganhaganan ro
pagtapon sa mga uninfected patients kapareho it unga, naganabdos, magueang ag para maprotektahan
pa gid ro health staff.
Ging rekomendar pa gid DOH-PHO nga magpatigayon it meassles vaccination sa mga frontliner staff it
hospitals para maging protektado sanda sa infection…