An duha ka semana nga selebrasyon in may tema nga “Proudly Ibabaonon: Promoting tourism, preserving history, sustaining progresa.”
Sumala kan Northern Samar Governor Edwin Ongchuan, panuyuan han selebrasyon nga maipakita history, tourism ngan cultural heritage ngan mas maka-aghat pa hin mga turista nga mabisita ha ira lugar.
“We have to look forward in the past in order for us to move forward in the future. Importante ipaabot naton ha aton mga kabataan an cultural awareness and the heritage that we are endorsing in the province,” siring ni Ongchuan.
Dugang pa ni Ongchuan, panuyuan gihapon han Ibabao Festival nga maka-aghat hin kadugangan pa nga mga investors dungan han ira paningkamot nga magin insurgency-free ngan matagan hin maupay nga panginabuhi an mga residente ha lugar.
“As we all know, dati number 3 poorest province ang Northern Samar, ngayon number 33 na. Makikita po ninyo na malaki na ang improvement pumapasok na ang investments both foreign and local, pati na ang pagsagawa ng mga national roads. Malaking bagay po ito,” dugang pa ni Ongchuan.
“We are really in so much effort na ipakita sa public at sa bug-os nga kalibutan nga Northern Samar is okay to visit.”
Kakulop, ha pagtikang han selebrasyon gindumara an Float parade kun diin ginparayaw han mga tagsa-tagsa nga municipalidad Northern Samar an ira ‘Identity’ mapa-agrikultura man o ha maghusay nga tourist destinations.
Nagdaog kumo Best Float an San Jose, Northern Samar kun diin hira in nakakarawat hin Php300,000; second place an Lope de Vega nga may Php200,000 nga premyo; ngan 3rd place an Catubig, Northern Samar nga may Php100,000 nga premyo.
Ha duha ka semana nga selebrasyon, lakip ha mga aktibidad an pag-abre han Agri-Tourism Trade Fair, Province-wide clean up drive, Mutua ng Ibabao, Ibabao Festival Dance Competition, Founding Anniversary Commemorative program ngan damo pa nga iba.
