Naghahanda si Senate Impeachment Court presiding officer Chiz Escudero sa iba’t ibang posibleng mangyari sa impeachment trial ni Vice President Sara Duterte.
Ayon kay Senate Impeachment Court Spokesperson Atty. Reginald Tongol, may “due diligence effort” si Escudero kasama ang kanyang mga staff at clerk of court ng impeachment court.
Ito ang dahilan kaya nakahanda aniya agad ang ruling ng presiding officer sa pagbawi ng house prosecution panel sa tatlong articles of impeachment.
Sorpresang nagmanifest si lead prosecutor Rep. Gerville luistro na binabawi na nila ang Articles 1, 3 at 4 at ang iiwan na lamang ay ang Article 2.
Sinabi ni Tongol na mayroong scenario setting si Escudero at mga staff nito kung saan ginagawan na kaagad ng draft ang ruling para maihanda at maisapinal, depende sa mangyayari sa impeachment trial.
Bago rin aniya ilahad ang final ruling ay nagsasagawa pa ng last minute na pag-edit sa desisyon si Escudero sa ruling nito.
