Gisaysay ni Ronald Sudaria, iyang nakit-ang naglutaw sa dagat ug wala na maglihok si Renente Sudaria, 54 anyos, pintor, ug nagpuyo sa Watusi Street, Km. 5, Barangay Buhangin, Davao City, kinsa daling nangayo og tabang sa Central 911 Medic Team si Ronald ug gisuwayan pag-revived si Renente, apan wala na’y timailhan nga duna pay kinabuhi hinungdang gideklarang patay na kini.
Sa imbestigasyon ni Police Staff Sergeant Erwin Andrion sa Sasa Police Station, nananghid si Renente nga muadto sa baybay kadali alas 5:30 sa hapon, apan miabot nalang og kapin oras wala na makabalik sa ilang nahimutangan. Sa pagsusi ni Romano sa baybay nakita na lamang niini ang lawas sa pintor nga naglutaw sa dagat bandang alas 7:00 sa gabii diin gituhoan nga nalumos ang biktima.
Ang patay’ng lawas gidala na sa Saint Peter Panacan, aron mahatagan kini og pormal nga haya.
RadyoMaN Joel Viray
