Pipila ka mga Iliganon, nalipay sa libreng sakay pinaagi sa RMN Biyahenihan kauban ang Sunsilk

31
Iligan City – Daghang Iliganon ang nakabenisyo sa gihimong RMN Biyahenihan sa DXIC kauban ang Sunsilk sulod sa tulo ka adlaw.

Naglibot sa sentrong bahin sa syudad hangtud sa tumoy nga bahin sa barangay Buru-un ug Dalipuga ang RMN Vehicle aron makapasakay ug libre sa mga Iliganon.

Kabahin ang maong kalihukan sa Corporate Social Responsibility o CSR sa Radio Mindanao Network, inc kun asa gipaluyohan sa Sunsilk pinaagi sa kumpanya niini nga Unilever.

Gituyo usab ang maong kalihukan aron pagtabang ngadto sa mga sumasakay sa nagpadayong kamahal sa presyo karon sa petrolyo sa nasud.

Gawas nga libre na ang pagsakay, aduna pay pahalipay nga gidawat ang mga pasahero.

Facebook Comments