TACLOBAN CITY – Nasunog an pira nga establisyemento ha Abenis St. Brgy. D2, Borongan City, Eastern Samar kakulop.
Sumala han inisyal nga impormasyon tikang ha Bureau of Fire Protection Region 8 , nagtikang an sunog alas 2:00 han kulop ngan igindeklara nga fire out alas 3:45 han kulop.
Nagburublig naman an pira nga residente para mawara an sunog nga nakadestroso ha mga tindahan.
Sumala han BFP, P500,000.00 an kantidad han ngatanan nga nadestroso han sunog.
Padayon pa an gindududmara nga imbisitigasyon han buhatan agud mabaruan kun ano an gintikangan han sunog.
Facebook Comments
