Suportado it Sangguniang Bayan kung Kalibo ro planong pag-construct it two-lane bridge sa Brgy. Mobo sa nasambit nga baNwa.
Sa Regular Session ko Huwebes, ging talakay it konseho ro Endorsement Letter nga halin kay Mayor William Lachica nga konektado man sa sueat nga halin sa Sangguniang Panlalawigan it probinsya kung Aklan.
Daya hay may resolusyon nga naga-rekwesta kay Mark Villar ro Secretary it Department of Public Works and Highways nga mag alokar it pundo para sa construction it nasambit nga tulay.
Nagdesisyon man do tanan nga konseho nga suportahan daya nga resolusyon bangod mas manami suno kanda nga maayos raya.
Nasayuran nga nauna eon nga ging bisita it DPWH National do tulay makaron sa Mobo nga 1 lane eamang ag indi puwedi maagyan it daeagkuan nga mga saeakyan bangod sa bukon it matibay do pundasyon kara.
Samtang kung maaprobahan dayang two-lane bridge hay puwedi eon daya maagyan it tanan nga magiging alternatibo man nga daean halin sa banwa it Numancia ag maabo pa.
