PNP KAG PHILIPPINE ARMY, NAGHIMU SANG COMMUNITY OUTREACH ACTIVITY SA BARANGAY MANAYUPIT, MAAYON, CAPIZ!

27
Maayon, Capiz – Nangin mabinungahon ang ginhimu nga Community Outreach Activity sa Barangay Manayupit, Maayon, Capiz.
Ini ang ginbuylogan sang mga katapo sang Maayon PNP sa pagpamuno ni PMAJ Cristopher N. Candelario katuwang ang Philippine Army, Advocacy Support Groups, Barangay Officials, BPATS kag BHW sang Barangay Manayupit sa pagpamuno ni Punong Barangay Romero Borres.
Nagalab-ot sa masobra 100 ka mga resipyente nga pamilya nga halin sa nasambitan nga barangay ang nakabaton sang Food Packs/Goods; Feeding Program; Free Blood Pressure Check-Up; Libre Manicure/Pedicure samtang isa man ka Tree Planting activity ang ginhimu.
Dako man ang pagpasalamat ni Punong Barangay Romero Borres sa bulig kag serbisyo nga gindul-ong sa ila sang kapulisan kag militar.
Samtang gin-apresyar man ni PMAJ Cristopher N. Candelario ang suporta sang nasambitan nga barangay. Iya man nga ginpunto nga wala lamang nakatutok ang PNP sa pagpabilin sang Peace and Order sa komunidad apang nagahiwat sang mga aktibidad para makabulig sa mga nagakinahanglan nga taga-Maayon.
© – Maayon PNP PCADS
Facebook Comments