Police LTCOL Aron Palomo, bag-o nga OIC Chief of Police sang Roxas City PNP!

14

Roxas City, Capiz – May yara na sang bag-o nga OIC Chief of Police ang Roxas City Police Station, epektibo Hunyo 1, 2021.
Ini ang pinaagi sa katauhan ni Police Lt Col Aron Palomo nga tumandok sang Dingle, Iloilo.
Antes ang assignment, gindestino man si Palomo bilang Chief of Police sa nagkatuhay nga police station sa probinsya sang Iloilo ka parehu sang Pototan, Balasan, Calinog PNP kag iban pa.
Nagpungko man ini bilang company commander sang Provincial Mobile Force Company nga nakabase sa Sara kag Janiuay, Iloilo.
Si Police Lt Col Aron Palomo ang nangin information officer man sang Iloilo Provincial Police Office(IPPO) kag ang pinakaulihi sini nga ginahawiran nga posisyon amo ang bilang Deputy Regional Director for Logistics and Research Development Division sang PRO-6 sa Campo Delgado.
Sa interview sa iya sang mga katapo sang media, ginpahayag sini nga kalakip sa iya pagatutokan amo ang marching order sang matag-as nga opisyal sang PNP nga amo ang internal cleansing sa ila hanay.
Pagahatagan man sini sang pagtamod ang paglapas sa mga personalidad nga imbolbado nga kriminalidad, ilegal nga druga subong man ang pagpalapit sa tawo sang serbisyo sang mga kapulisan.

Facebook Comments