Isang mahalagang yugto ang naitala sa Urdaneta District Hospital matapos pormal na basbasan ang bagong tatag nitong Intensive Care Unit (ICU) at Neonatal Intensive Care Unit (NICU).
Ang pasilidad, na bahagi ng pagpapalakas sa serbisyong pangkalusugan ng ospital bilang isang Level II facility, ay inaasahang magbibigay ng mas mataas na antas ng pangangalaga sa mga pasyenteng nangangailangan ng kritikal at espesyal na atensyon, kabilang ang mga bagong silang.
Isinagawa ang proyekto sa tulong ng Provincial Government of Pangasinan bilang bahagi ng patuloy na pagpapabuti ng mga serbisyong medikal sa lalawigan.
Sa pamamagitan ng bagong ICU at NICU, layunin ng ospital na mapalawak ang kapasidad nito sa pagtugon sa mga emerhensiya at mapataas ang kalidad ng serbisyong pangkalusugan para sa mga residente ng Urdaneta City at mga karatig lugar.
Ayon sa pamunuan ng ospital, inaasahang magsisilbing mahalagang pasilidad ang mga bagong yunit sa pagbibigay ng mas episyente at maagap na pangangalaga sa mga pasyente, lalo na sa mga kritikal na kondisyon. | 𝙞𝙛𝙢𝙣𝙚𝙬𝙨𝙙𝙖𝙜𝙪𝙥𝙖𝙣
