Police station 4 gipalawman ang imbistigasyon sa pagpamanhig sa driver ug manager sa KAPA

21

General Santos City–Gipalawman na karon sa Police Station 4 ang ilang imbistigasyon kabahin na sa pag pamusil patay sa wala mailhing mga suspect sa driver sa usa ka Remely Iral, manager sa KAPA nga nakabase sa Alabel Sarangani Province nga si Bresnev Morada, 41 anyos nga nanimuyo sa Poblacion Santiago, Agusan Del Norte ug temporaryong nanimuyo sa Agan, North Barangay San Isidro ning syudad.

Basi matud pa sa inisyal nga imbistigasyon sa kapulisan nga nagdagan ang ford raptor nga gisakyan sa biktima nga si Bresnev sa dihang gi-atangan kini sa mga armadong suspect ug gipabuthan sa makadaghan nga higayon kung asa naigo sa iyahang ulo ang biktimang si Bresnev nga maoy hinungdan sa iyahang kamatayon.


Samtang migula usab sa imbistigasyon sa kapulisan nga dungan mihawa ang biktima ug ang amo niini nga si Remely gikan sa balay sa maong manager sa may Agan apan pag-abot sa crime scene wala na ang nasangpit nga babaye.
Sa karon wala pay kumpermasyon kung may nahitabong abduction dungan sa pagpamusil, ginahuwat pa sa kasamtangan sa kapulisan ang pamilya ni Remely.

Dili paman usab makumperma sa kapulisan kung may kalabutan ba sa investment scheme ang hinungdan sa pag pamusil sa mga suspect ug padayon pa nila kining gi-imbistigahan.(Dave Silagan)

Facebook Comments