Porcausa na tiera, muerto

PORCAUSA SOLAMENTE NA TIERA YA SOSEDE EL SANGRINO SOSESO DONDE SERCA YA SAPARTA EL CABESA DESDE NA SU CUERPO EL UN RESIDENTE DE SITIO MILUAO, PATALON DESPUES YA TAHYA-QUE-TAHYA NA SU TANGCUGU EL SU MISMO BESINOS DEL MARTES POR LA NOCHE.
EL VICTIMA AMO SI ERWIN MANUEL ROJAS, CASAO CON CIETE MAGA ANAK DEL MENCIONAO LUGAR.
MIENTRAS EL HECHOR AMO SI JERRY FRANCISCO 29 A NJ OS DE EDAD Y UN FESCADOR DEL MISMO LUGAR.
HACEGUN CON EL ESPOSA DEL VICTIMA AI MARRY ANN, YA ANDA LANG ERA NA TIENDA SU MARIDO PARA MAN LOAD AU CELPHONE CUANDO SI FRANCISCO YA ESPERA CON ELE NA ESCURU Y YA EMPESA YA LANG TAHYA NA SU TANGCUGU.
NA PRIMER TAHO, YA PUEDE PA ENTABLA SI ROJAS PARA NA CASA DEL DIILA BESINOS PERO SI FRANCISCO BIEN DECIDIDO PARA MATA CONELE Y YA HACE APAS Y YA CONTINUA MAN HALABAS CONELE NA TANGCUGU HASTA YA MURI EL VICTIMA.
YA ESCAPA AI FRANCISCO PERO SERCA MAN ALAS 10 DEL NOCHE YA PUEDE SIEMPRE CONELE ARESTA.
HACEGUN CON EL ESPOSA Y HERMANA DEL VICTIMA EL DESGUSTO YA PRINSIPIA CUANDO EL TIERA UE YA COMPRA EL FAMILIA DI FRANCISCO DESDE CON EL FAMILIA DI ROJAS Y DESPUES NOHAY DAYUN SILA HACE PAPELES.
DONDE EL PRIMA DI ROJAS EL TIERA QUE YA VENDE CON EL FAMILIA DI FRANCISCO, YA VENDE OTRAVEZ NA UN PULIS, DONDE EL PULIS TA MANDA YA TAMEN SALE CON EL FAMILIA DI FRANCISCO.
SI FRANCISCO YA SIEMBRAO SU RABIA CON ERWIN CIENDO PRIMO ESTE DEL QUIEN YA VENDE OTRAVEZ EL TIERRA QUE YA VENDE YA UNA CANILA.
SI FRANCISCO AY ENFRENTA EL CASO DE MURDER.
Facebook Comments