PRO-XI: Kaso batok ‘fake news’ peddlers giandam na

124
Davao City – Gitakdang mapasaka na karon nga semana ang kaso batok sa mga indibidwal nga responsable sa pagpakatag og fake news sa social media kabahin sa alleged kidnapping, robbery ug hold-up incidents.

Sa interbyu sa DXDC RMN Davao kang Police Major Atty. Eudisan Gultiano, Police Regional Office (PRO)-XI Spokesperson, giklaro niini nga walay kamatuoran ang mga report nga nahitabo ang nahisgutang krimen sa mga gi-mention nga mga lugar sa social media subay sa imbestigasyon sa kapulisan.

“Itong fake news ay nakaalarma nga. Kaya po talagang hindi po natin palalamasin ‘yan. In fact, meron na po tayong pini-prepare na mga cases against dun sa identified na personalities behind these Facebook accounts nga nagpakatag nitong mga information na fake.”

Matud ni Gultiano, kung mapamatud-an nga guilty ang usa ka akusado nga nagpakatag og fake news, posible kining mapriso og unom (6) ka bulan ug multa nga P40,000 – P200,000 subay sa Article 154 sa Revised Penal Code (RPC) ug mag-atubang usab sa kalapasan sa Anti-Cybercrime Prevention Law.

RadyoMaN Kirby Manzon

Facebook Comments