Umaasa si Philippine Sports Commision (PSC) Chairman William “Butch” Ramirez na matutulungan sila ng Department of Health (DOH) para maturukan ng COVID-19 vaccine ang mga Olympic Game Qualifiers.
Ayon kay Ramirez, makikipag-ugnayan sila sa ahensya upang bigyan prayoridad ang manlalarong lalahok sa Olympics, Sea Games, Asian Games activities sa 2021.
Aniya, inaasahan niyang mababakunahan na ang mga ito bago ipasok sa bubble training sa Inspire Sports Academy sa Calamba, Laguna.
Sa kasalukuyan, sina Pole Vaulter Ernest John Obiena, Gymnastics Gold Medalist Carlos Yulo at boxer na si Eumir Felix Marcial at Irish Magno pa lamang ang may ticket para sa 2021 Tokyo Olympics.
Facebook Comments
