Davao City – Grabe ang kalipay ni Chanda May D. Sumiga, usa ka Person with disability (PWD) nga nag Top 3 sa Licensure Examination for Teachers (LET) bag-ohay lamang human sa nadawat niining cash incentives gikan sa iyang eskwelahan, sa Legacy College of Compostela (LCC).
Sa gihimong Testimonial Party sa tulunghaan isip pagpasalamat sa ilang kadaugan, personal nga gitunol ni Atty. Joji Bernadette Ancog-Casidsid, LCC Administrator, ang tseke kantidad og P100,000 ngadto kang Sumiga.
“We would reimburse you for all the expenses that you incurred during your studies at Legacy and more. Hopefully, you will use this to further your studies so that you will be more successful in life. Congratulations! Legacy is giving you a hundred thousand pesos,” tataw ni Casidsid.
Nagpasalamat usab si Sumiga sa mga nahimong kabahin sa iyang kalampusan labi na sa iyang mga ginikanan nga maoy nag-unang nagsuporta ug iyang nahimong inspirasyon sa iyang pag-eskwela.
“My heartfelt thanks to my beloved family, my parents. Daghan kaayong salamat, Pa, Ma for the efforts and sacrifices you have spent on me. Ayaw mo’g kabalaka, Ma, maningkamot ko to pay back all your hardships to me. And if proud mo sa akoa, mas proud gyud ko ninyo kay kamo ang akong pamilya,” saysay ni Sumiga.
Nasayran nga daghan ang napanalanginan sa kakugi ug pinasahi ng kaagi ni Sumiga nga nahimong Top 3 sa LET taliwala sa iyang problema sa pagdungog nga wala nahimong babag sa iyang kalampusan.
RadyoMaN Kirby Manzon
