RE-ALLIGNMENT IT P2 MILLION IT MOBO AG P1 MILLION IT PUSIW APRUBADO IT SP AKLAN

Kalibo, Aklan – Ging aprubahan it Aklan Sangguniang Panlalawigan ro re-allignment it P2 million pesos
ko barangay Mobo, Kalibo ag P1 million it barangay Pusiw, Numancia, Aklan para kunta sa konstruksiyon
it evacuation centers ko nasambit nga mga barangays.
Bangud flood prone barangays ro Mobo ag Pusiw, sa pagpasar ko 2019 annual budget ro gobyerno
probinsiyal nag alokar it 3 million pesos halin sa 5% local disaster risk reduction management LDRRM
fund it probinsiya para sa kontruksiyon it evacuation centers ko natungdan nga mga barangay.
Suno kay Sangguniang Panlalawigan member Emmanuel Soviet Russia Dela Cruz, komo owa man
hatabing ro nasambit nga pundo ag nagka dengue outbreak sa Aklan ag naapektuhan it mabaskog nga
linog ro Batanes. nag hinyo si Governor Florencio Miraflores sa Sangguniang Panlalawigan para sa re-
allignment it nasambit nga kantidad.
Ro Sangguniang Panlalawigan, insigida nagpasar ag nag apruba it resolusyon angot sa re-allignment it
nasambit nga pundo kon siin ro 2.9 million pesos hiagto sa pagbakae it bueong para sa mga dengue
patients ag ro 1 hundred thousand pesos bulig it probinsiya sa biktima it linog sa Batanes.
Nagpahayag pa gid si SP Dela Cruz, nga sa 2020 budget it probinsiya ging eakot mat-a gihapon ro 2
million pesos ag 1 million pesos nga alokasyon sa Mobo ag Pusiw…