Kalibo, Aklan — Arestado rong sangka reservist matapos nga magbaligya it
baril sa ginpatigayon nga operation ko mga kapulisan kaina it agahon sa
Bayanihan Road, Brgy. Pook, Kalibo, Aklan.
Rong suspek nakilaea kay John Arboleda y Temporaza, 42-anyos ag residente
it Brgy. Andago, Kalibo.
Nahabakae kana it operatiba ro sangka ro sangka .45 pistl sa hayga nga
P18,000 ag sa ginpatigayon nga body search hay nahabuoe man sa anag
posisyon ro sangka .45 pistol nga anang service firearm.
Ro nasambit nga mga armas hay may tags aka magazine nga loaded it mga bala.
Narecover man kana rong daywa ka 500 pesos nga marked money.
Matapos rong inventory, dayon man nga nag proceed ro mga operatiba sa
anang baeay daea-daea rong search warrant para tan-awon kon may mga
ginatago pa rayang armas ag uwa man mapaslawi sanda bangud nga may naha
recover pa gid nga sangka 9mm compact, 2 ka magazine it M16 nga long ag
short nga loaded it bala, 2 ka magazine it 45 pistol nga loaded man it
bala, 2 ka magazine it 9MM compact nga loaded man it bala ag sar-saring
bala.
Suno sa kapulisan nga mabuhay man eon nanda nga gina monitor si Arboleda
bangud sa pagb inaligya it baril sa banwa it Kalibo ag iba pang banwa.
Permi man raya gina reklamo ko anag mga kaeapit baeay bangud sa perming
pagpinaeopok it baril.
Dati man eon nga naaresto si Arboleda sa Rain Videoke Bar sa may XIX
Martyrs Street ko nagtaliwan nga Oktubre 10, 2017 dahil nahabue-an man it
armas sa gin patigayon nga “Operation Bakal/Sita” pero naayos ro anang kaso
ag naka guwa.
Sa makaron kulong eoman si Arboleda ag magapangatubang it kasong pagbayolar
sa RA NO.10591, OTHERWISE KNOWN AS THE “COMPREHENSIVE FIREARMS AND
AMMUNITION REGULATION ACT”.
