RESOLUSYON SA SOBLING PAG-ABLI SA MGA SABONGAN SA GENSAN, APRUBADO SA KONSEHO

28

General Santos Cty—Aprubado na sa hawanan sa konseho ang resolusyon nga naga-tugot sa sobling pag-abli sa mga sabungan sa dakbayan sa Gensan human ang pito ka bulan nga pagpasirado niini tungod sa covid 19.

Sumala kang City Councilor Jeng Gacal, Author sa maong resolusyon nga tungod sa pandemya, libuan nga mga empleyado sa sabungan ang nawad-an ug trabaho. Giklaro usab ni Gacal, human sa pagpasar sa konseho, anaa na magadepende kang Gensan City Mayor Ronnel Rivera kung iyahang aprubahan o dili tungod ang executive mao may maghatag ug licensed to operate.


Dugang pamahayag ni Kagawad Gacal nga subay resolusyon sa IATF tugutan ang pag-abli sa sabong apan walay laing tawo gawas nalang sa mga adunay dalang manok. Sumala niini nga hugot nga ginabawal ang pagtan-aw sa publiko higayon nga sobli ng ablihan ang mga sabungan sa Gensan. Bawal usab ang online nga pagtaya sa sabong rason nga kung kinsa lang ang anaa sa sulod, mao lang usab ang tugutan nga makayata. (LVR)

Facebook Comments